斜路長滿青苔好牙煙
行人路滿布青苔，形成行人陷阱。居於葵涌的黃先生發現大隴街一段行人路滿布青苔，加上有關路段屬斜路，令途人有滑倒危機。「嗰度又斜又生青苔，平時行過都會行得慢啲，落雨就更加要小心，好驚隨時會跣低！」黃不滿未見食環署派員清理。
食物環境衞生署發言人承認，上址行人路有青苔生長，已安排潔淨服務承辦商清理。另已提醒承辦商加強留意，如再發現青苔，需盡快予以清理。該署會繼續留意上址情況及採取適當行動。
「都係多得《東方日報》幫手，如果唔係都唔知等到幾時先至有人嚟清理！依家終於改善晒！」黃先生證實，經本報轉介後，上址路段已迅即獲清理。黃希望食環署加強留意，如發現有青苔，盡快跟進處理。