下周初與市建局非執董傾偈
據聞蘇慶和呢場飯局尋日舉行，歷時約一小時，合共有七、八名市建局非執行董事出席，期間未見有特別議題貫穿，主要係傾偈為主。
有與會者事後比較蘇慶和同張震遠兩人，形容初步印象係蘇慶和比較為人低調，無張震遠做事方面主導性咁強，但佢相信蘇慶和要一段時間認識市建局文化，先至會真正進入主席嘅角色。
至於其他剛獲委任嘅十多名市建局非執董，據聞蘇慶和會喺下周初同佢哋食飯聚一聚。有市建局非執董話，本身認識蘇慶和，但對佢唔係太熟悉，希望透過呢個飯局增進了解。唔知蘇慶和同市建局中人連場飯局外，會否都同關注市區重建嘅團體多溝通，以實際行動洗脫外界話佢作風保守嘅批評呢？