政情：今日你上鏡：「譯」戰

平時蒲開蘭桂坊嘅立法會議員梁國雄（長毛）英文都算幾好，但遇着退休英文教師韓連山，就即時被KO（擊倒）。話說佢哋尋日去美國領事館示威，要求美國特赦中情局前特工斯諾登（Edward Snowden），當長毛讀出Snowden個名時，韓連山就話，佢聽完外國電視台報道嘅發音，再加自己理解後，Snowden嘅發音唔應該讀成「是NO躉」，應該讀成「是NOW躉」至啱。不過，長毛反駁話讀音呢樣嘢無話邊個啱，可能佢係法國人又有唔同讀法喎，如果問番斯諾登本人就最清楚喇，咁去邊度搵到斯諾登呢？