政情：公民講場：港盼光明 須除禍根貪曾

「貪曾」前特首曾蔭權爵士任內貪盡海陸空、歎盡省港澳，包括享用有錢人嘅遊艇歎世界，難怪貪曾政府經常被外界質疑有官商勾結之嫌。不過，自從貪曾去年六月底執包袱卸任後，有人形容佢好似瘟神咁走咗，種種不良風氣都煙消雲散，就連特首梁振英日前喺美國接受國際通訊社訪問時，可以大大聲話長期以來對香港官商勾結嘅指控，依家已經唔再聽到喇！雖然「官商勾結」四個字聽少咗，但貪曾遺留下嘅禍根仲未解決，包括貪曾自己嘅涉嫌以權謀私嘅連串事件，仍然受廉政公署調查，相信廉署盡快執法，才能挽回市民對香港廉潔嘅信心。