勿揀過綠先浸後洗更安心
市面出現含銅糉葉，買現成糉或愛自己包糉應節的市民分分鐘中招，有飲食界人士教路，市民其實可透過三招分辨糉葉，包括觀察糉葉外貌、糉葉浸水後的色澤，和在糉葉蒸煮後散發出的味道入手。有糉店負責人提醒市民，購買糉葉後必須清洗乾淨，方可食得安心。
「點都有啲發暗發黃」
市面糉葉由荷葉或竹葉曬乾製成，供應主要來自廣東省，要避免買到問題糉葉，名廚周中教路，可先循外貌入手，他謂：「正常糉葉色澤唔應過分翠綠，點都會有啲發暗發黃。」若有懷疑，可以浸水觀察：「糉葉喺浸完水之後會呈淡黃色。如果變咗綠色，就可能係加咗化學嘢入去。」市民亦可靠嗅覺分辨，「正常糉葉煮完之後有好香嘅葉味。」
此外，有糉子出售的老三陽負責人祁小姐亦提醒市民，在包糉前要先把糉葉清洗乾淨，「啲糉葉好污糟，買咗返去先用水浸一晚，等佢變軟身，第二日再用熱水洗兩次。如果用唔晒啲糉葉，就要放入雪櫃冷藏，唔係好容易發霉變壞。」