政情：今日你上鏡：同色同氣

立法會尋日周三大會，有八位建制派議員不約而同着咗綠色衫或打綠色呔，聲言要響應一年一度嘅世界環境日，呼籲市民要保護環境，珍惜地球資源，正因為咁，所以就算撞晒色都冇所謂喇。雖然四位功能界別議員姚思榮、馬逢國、盧偉國同梁君彥已經打咗綠色呔，而梁美芬亦着咗淺綠色外套，但佢哋都唔夠謝偉俊同葉劉淑儀咁搶鏡，皆因佢哋兩個着住件薄荷綠色嘅外套，好似情侶裝咁款。