醫健：不育壓力大 傷痛自已承受
【本報訊】即使接受人工受孕治療，也非百分百「包生到」。三十多歲翁小姐曾接受八次人工受孕療程，三次成功受孕，但兩次失敗而回，去年底終誕下可人兒︰「不育已經係壓力，人工受孕成功與否，就好像學生等考試結果。」她形容流產後再接受受孕治療，心情是既驚且喜。
家人支持最重要
翁小姐○六年得知不孕後開始接受檢查，○九年展開人工受孕治療，當年年尾差點當上母親，「成功受孕一刻係好開心，之後要等兩周確定胎兒正常發育，嗰兩星期，好像學生等考試結果，日日就問自己得定唔得，最後醫生話ＢＢ無心跳，再等多一周都無，接受唔到要流產，之後有抑鬱，但唔想人哋幫」。幸有家人支持，在半年後平復心情，去年尾終誕下女兒。
港大社會工作及社會行政學系助理教授陳凱欣指，不孕婦女要承受很大的壓力，「唔可以同人講做人工受孕，有咗又怕胎兒小器唔講得，如不幸流產就更加唔講，由懷孕到流產都係自己面對，流產後首個母親節，心情更難過。」
她提醒家人，要留意婦女流產後一個月有否出現失眠、過分自責、反覆提及流產及出現焦慮等情況。該系今年四月起培訓瑪麗醫院婦產科醫護人員，留意婦女有否出現過度哀傷，有需要時轉介心理輔導，並計劃將培訓擴展至全港所有醫院。