政府近年不時外洩機密文件，真係唔知係政府有心放風試水溫，抑或因為有員工不滿而要洩密。立法會議員王國興（阿王）尋日就嘗試解開呢個謎團，佢話一切同政府聘用得太多外判工及非公務員合約僱員有關，因為佢哋對政府冇歸屬感，所以冇心機，咁就會外洩文件喎。如果係咁嘅話，似乎政府聘用多啲外判工會好啲，因為咁樣就會有更多機密文件外洩，政府嘅透明度亦自然提高，咁就唔使經常被人批評閉門造車，咁做唔係更好咩？
