政情：今日你上鏡：「愛」惜「詩」機
智能手機當道，唔止後生潮人經常為手機裝身扮靚，就連基本法委員會副主任梁愛詩都忙裏偷閒，日前午飯時間現身喺中環皇后大道中九號一間電器舖，精心揀選一塊手機屏幕保護貼，然後交畀店員幫手貼上。
當店員畀足心機為佢部手機屏幕抹塵，全神貫注貼上新淨嘅保護貼時，詩姐則輕俯玻璃櫃枱，目不轉睛咁（目及）實，相當認真。期間佢部手機一直接駁外置充電器，睇嚟佢要時刻接通天地線，唔想錯失任何重要電話，話晒佢係中港政壇重要人物嘛！（徐家浩攝）
