「貪湯」前廉政專員湯顯明被踢爆用公帑買大量烈酒宴客，令人髮指。現任廉政專員白韞六尋日應立法會帳目委員會傳召作供時話，現時存放喺廉署嘅酒唔多，剩低嘅酒會交由政府物流服務署公開拍賣。如果政府決定將廉署剩低嘅酒拍賣，咁「貪曾」前特首曾蔭權爵士收藏喺前特首辦公室嘅公家茅台酒，都應該交還政府物流服務署公開拍賣。不過，貪曾當正啲公家茅台酒係私人珍藏一樣，如果有朝一日真係要將茅台酒攞去拍賣，睇怕貪曾肯定日飲夜飲茅台，寧願飲到嘔、甚至攬住批茅台酒陪葬都唔肯放手。
