政情：八網難逃：黑雨下製果汁有「利」養生

昨早天文台發出黑色暴雨警告，打工仔平白多咗半日假。民協主席廖成利（Bruce）信奉「今天不養生，明天養醫生」，尋日就趁賺來嘅時間走入廚房，以薯仔、蘋果、甘筍及檸檬製作「奇妙果汁」畀家人享用，仲上載到社交網站分享。點奇妙法？佢話呢隻果汁可以醫治胃病、腸胃痛、消化不良，仲可以防癌喎。估唔到身為律師嘅Bruce對養生都咁有研究，難怪佢點睇都唔似五十六歲喇。