商場通道設臨廁欠衞生
彩雲商場正進行翻新工程，早前領匯疑將商場公廁設立於飛鳳樓地下，引起邨民激烈反抗。有關工程最後雖已擱置，但居民何先生卻指公廁引起的風波仍未平息，「領匯依家將兩個流動洗手間放正喺商場主要出入口，側邊仲係雜貨舖，咁樣好唔衞生，點可以咁安排！」
領匯：定時清走排泄物
領匯發言人表示，原先的洗手間因商場翻新而暫時封閉，為顧及居民及購物人士，有需要安排設置臨時洗手間。該公司已就選址作審慎考慮，並於洗手間外加裝遮蓋及圍板，行人路亦預留足夠闊度予輪椅使用者通過。發言人又承諾，會安排承辦商每日兩次抽走廁格內排泄物並定時清潔，以保持衞生。
「係就係會清走啲嘢，但始終有陣味，好多居民都唔太接受到！」當區區議員譚美普坦言曾接獲不少相關投訴，據了解臨時洗手間最少會擺放至年底，期望領匯可確切保持該處衞生，保障居民健康。