政情：廢腑之言：公務員官腔自稱「冇加薪」？

公務員薪高糧準，令唔少打工仔非常羨慕，尋日佢哋又有得傾加人工喇，雖然結果未係人人都滿意，但少唔代表無。不過，華員會副會長利葵燕就話，其實佢哋每年加薪都無實質增長，所以談不上係加薪，最多都只係薪酬調整，以維持公務員嘅購買力。不過，如果有人肯每年坐低同你開會，傾吓點樣維持你來年嘅購買力，令你唔使罷工都有得加人工，其實都叫合乎市況，絕對好過時下好多打工仔喇。