撐同志平權作交換
據講阿Ann曾經搵過慢必，話如果只要慢必肯撤回所有修正案，佢就會支持慢必一直主打嘅同志平權議題，之後仲竟然話支持佢哋查貪湯前廉政專員湯顯明。
不過，無論阿Ann點落嘴頭都好，慢必都無動於衷。阿Ann之所以咁落力游說，原來今日係佢五十八歲生日，睇嚟佢都要繼續撳掣度過生日喇！
象哥 郭家麒吵大鑊
另外，進出口界黃定光（象哥）同泛民郭家麒尋日就喺人事編制小組委員會中吵大鑊，喺討論是否開位處理成立獨立保監局事務時，象哥就叫郭家麒提問唔好「長氣又噚氣」，等委員會可以快啲通過動議。
郭家麒就反叫象哥唔好咁好火，又要求佢收回言論，象哥就嬲爆反駁：「我主持會議火咩呀？」搞到全場鴉雀無聲。