前日立法會閉門會議商討「剪布」，議員謝偉俊（Paul）突然明寸泛民主派既唔支持拉布，但又反對剪布係「又要做婊子，又要拎貞節牌坊」，結果惹來泛民女議員不滿。有網民對阿Paul嘅言論似乎好認同，有心水清嘅網民，竟然特登搵番兩年前播出嘅電視劇《巾幗梟雄之義海豪情》片段力撐阿Paul。藝人鄧萃雯喺劇中飾演嘅九姑娘都曾經講過同一番說話，仲要係咬牙切齒咁對住日本軍講，似乎冇乜人覺得呢句說話有問題。有網民話，連呢句說話都可以喺電視出到街，證明唔係好多人覺得有侮辱成分啦！
（互聯網）