「貪湯」前廉政專員湯顯明濫用公帑宴請同送禮畀內地官員，將廉政公署近四十年肅貪倡廉形象一手摧毀，「潛水」多時嘅貪湯終於應承出席本周六舉行嘅立法會政府帳目委員會會議，睇怕到時難逃帳委會嘅公審。不過，貪湯咪以為露吓面就可以過關，因為之後仲有至少三方等緊佢交代事件，首先有特首委任嘅廉署檢討委員會，之後又有立法會專責委員會，加上廉署尋日正式決定對貪湯展開刑事調查，相信貪湯面對多路追殺都難逃一劫，倒不如原原本本交代多年來涉及嘅貪腐醜聞，或者係佢唯一嘅出路！
