公務員事務局尋日向立法會提交文件，諗住藉數據分析公務員職位嘅吸引力。點知誠實嘅數字揭示，當局喺一一至一二年度發出一萬一千多份聘書中，有一成五人不接受聘任，即使接受聘用，但又未必做得長，雖然同一年度嘅辭職率維持低於百分之零點五水平，但有超過一半辭職者係未過試用期嘅。當局解釋話，情況反映新入職者仍尋找緊事業目標，部分人員喺加入政府一段時間後，才發覺工作同佢哋嘅抱負不符而辭職，但情況不致令人憂慮，加上公務員辭職率仍維持低水平，公務員職位仍具吸引力喎。
