大埔中心單車位勁唔夠
譚先生習慣踩單車到大埔中心附近再乘車上班，惟因周邊多個單車泊位均長期爆滿，坦言常為泊車問題絞盡腦汁，「合法泊車位好唔夠，好多人都被迫泊喺街，一係就畀賊仔剪開單車鎖偷走，一係畀政府部門充公，真係好無奈！」譚要求當局正視上址單車泊位不足問題，又建議將林村河畔部分近天橋底位置開闢成單車泊位，以應付需求。
運輸署發言人表示，現時大埔太和路與南運路交界近大埔中心、大埔文娛中心旁均設有單車泊位供踩單車人士使用，強調繼續留意區內單車泊位需求，並考慮不同方案，以在適當情況下增加單車泊位。
「答咗等於冇答，咁即係會唔會加（泊位）？」譚先生坦言不滿運輸署回覆有敷衍市民之嫌，促當局盡快物色地方加設泊車處，以行動回應訴求。