貨斗霸道逾月執法緩慢
環保貨斗阻街情況嚴重，當局雖承認曾接獲大量投訴並擬加重罰則，但有市民認為政府部門一直未有正視問題，更疏於執法。宋先生說：「好似呢個貨斗，放喺度一兩日就話啫，依家霸住個避車處個幾月都冇人理！」宋指有關貨斗已佔用上水新運路避車處逾月仍未移走，對其他駕駛者造成阻礙，不滿相關部門未有到場執法。
警方發言人接獲轉介後表示，已向環保貨斗的負責人發出警告，有關貨斗亦於翌日移走，強調警方會繼續採取適當行動，以確保道路安全和交通暢順。
「呢啲貨斗放喺度唔只阻交通，仲會搞到四圍都係沙塵，政府應該要主動執法，唔好等到有人投訴先做嘢！」當區區議員王潤強認為，環保貨斗佔用路面不但會影響駕駛者，亦會引起區內環境衞生問題，要求當局積極取締。