政情：公民講場：貪湯服務隊 擦鞋擦上天

「貪湯」前廉政專員湯顯明嘅貪腐醜聞，就好似點着咗嘅火藥咁爆極都爆唔完，連佢時任海關關長嗰陣嘅舊同事都唔攬佢，爆料指佢召喚飛行服務隊（GFS）安排定翼機招呼內地高官「公費遊機河」。呢單醜聞未追究，點知昨又有人踢爆佢喺○三年擔任保安局副秘書長時，曾經想召喚GFS安排直升機喺七．一搞跳降傘表演，結果因安全理由被拒絕。貪湯為咗向有關方面「擦鞋」獻媚，不但難為GFS同事，更分薄GFS嘅資源，如市民有咩緊急事故或重大災難，因貪湯借咗部飛機去搞擦鞋嘢而阻礙GFS嘅拯救行動，試問貪湯又點擔當得起？