啟用禮 紀念品用百四萬
單計運動啟用禮一場大龍鳳就用咗八十萬元，出動咗六十七名工作人員；而啟用禮後派街坊嘅文件夾、襟章、八達通卡套、Ｔ恤、運動標誌原子印及紙袋，就一共整咗六十萬元。
不過，有啲問題仍然未解開，例如若有機構有興趣要加入成為夥伴機構要點做，以及政府具體會如何評核機構活動配合運動主題及目標。
德成局長話，會按活動主題、目標、公眾參與程度，以及活動是否具創意而評定，真係講咗等於冇講。據聞如果團體有興趣加入運動，直接聯絡相關召集人就得。我哋前排問過愛港之聲召集人高達斌，問佢哋有冇興趣捧場撐政府，點知佢連「家是香港」呢個活動都唔知。二百七十六萬元宣傳費係咪物有所值？咁就要等公眾判斷喇！