地面箭嘴混淆馬路陷阱
陳伯日前行經中環荷李活道近嘉咸街交界，擬於行人過路處橫過馬路時險被車輛撞倒，「我明明望住地下向左嘅大箭嘴，諗住睇車過馬路，點知啲車喺右手邊駛過嚟！唔係有個後生仔拉住我，都唔知仲有冇命！」陳伯坦言目不識丁，未能覺察地面有「望右」提醒字句，加上「向右」箭嘴非常細小，並印在坑渠蓋上，認為行人會因看到「向左」大箭嘴而產生混淆。
運輸署發言人證實，經派員到現場視察後，現正安排工務部門盡快修復該處「望右」道路標記，及把上址行車方向道路標記往西遷移至黃格路標另一端位置，以更清晰提醒行人上址行車方向。
「要市民反映先補鑊，即係整嗰陣根本冇考慮得清楚，做嘢真係求其！」陳伯認為過路處提示不清晰後果可大可小，要求當局日後多加留意，以保障道路使用者安全。