探射燈：三口家遷入凶宅未幾即搬
「梗係印象深刻，事發前幾日，我先打電話畀佢（阿英），問佢依家點，佢仲話老公好咗好多，兩人有偈傾，點知冇耐就發生咁大件事！」元朗區議員陸頌雄當年曾接獲阿英求助，並安排社署跟進；而事發後，兇案單位曾有住戶搬進，不知是否「太猛」，住戶未幾搬離，之後便沒有再租出，估計空置最少兩、三年。
「印象中之前好似有個一家三口搬入嚟，住咗幾年就搬走咗，之後就冇人住，房署都試過做特快編配，可能因為係凶宅，同埋位置唔好，又近馬路，結果都冇人揀，空置咗都兩、三年。」陸表示，當年慘案後，單位的隔籬左右，甚至上、下層「全部都搬走晒，可能佢哋（住戶）真係太驚！」
住戶恐懼心理未平復
當年以義工身份協助處理善後的芳姐稱，「只想盡點綿力，幫手做拜祭，摺吓金銀衣紙，無想過其他，亦無任何靈異事件發生。」但受陰影籠罩，住戶恐懼心理亦可理解，「啱啱嗰半個月，夜晚七點半後上去做家訪，冇人肯開門。」
