吳先生日前乘搭95K專線小巴轉乘港鐵，事後發現八達通卡未有以轉乘優惠扣除車費，即時向港鐵職員反映，未料竟獲覆未能享有優惠，「我日日都係咁搭車返、放工，有乜理由無啦啦冇咗轉乘優惠？」吳遂透過區議員轉介個案，港鐵卻突然轉軚表示願意退款，惟未有交代原因，「嗰頭話冇優惠，轉頭又退番錢，但又唔講清楚係咪真係冇咗優惠，咁即係點？」
港鐵發言人表示，經翻查記錄後，發現當日95K專線小巴的八達通處理器疑被誤設為另一條行車線，令當事人未能享有轉乘優惠。發言人承認，首次處理個案的職員對投訴有誤解，及後再次接獲轉介始發現上述問題，已向當事人退款，但無作詳細解釋。發言人就事件向事主致歉，強調已提醒職員要細心處理個案。
「港鐵年年賺大錢，車費年年加，但咁少嘅問題都要敷衍市民，要勞師動眾一輪先肯認真處理投訴，真係太過分！」吳先生批評港鐵漠視乘客利益，未有盡企業責任服務市民，要求認真檢討。