「一蚊雞港女」爆粗罵司機
【本報訊】小巴女乘客疑為了多付一、兩元車資，要求不設找贖的專線小巴司機找錢不遂，竟然在車上瘋狂爆粗辱罵司機，期間更拿着手機拍攝。有同車乘客對她的無理取鬧行為甚為反感，於是反拍她喪鬧司機的過程，並將短片上載到社交網站，兩日來已吸引四千多名網民讚好。網民嘲諷該女為「一蚊雞港女」及「Never Mind港女」，一面倒批評她沒有常識及蠻不講理，不少人亦盛讚司機情緒智商極高。
醜行上載網上熱播
一段約三分鐘題為「憤怒港女為咗幾蚊喪×司機」短片近日在網上熱播，短片甫開始便見到一名女乘客扯高嗓門連珠炮發，「我喺富榮落o架！I never mind（我從不介意），我咪同你站頭站長講囉！係你自己講話做埋今晚唔×做o架！」背着鏡頭的司機回應「啱啱，得啦，報警得啦，你鍾意點就點，你唔好同我講 。」
女乘客卻未有因此停下來，繼續爆粗「你做唔×做唔關我事吖，我係講嗰幾蚊咋！我唔×順呀……我平時搭車呀，嘟×錯卡呀，司機都會畀番我啦！」小巴司機再以超凡的忍耐力回應，「係呀？畀番錢你囉！」之後更安慰其他乘客，「唔怕o架！唔使驚o架，我經驗豐富。」拍片的男乘客下車前忍不住問司機「使唔使報警？」司機仍抱息事寧人態度，回應「呢啲好小事，唔使理佢。」
另外，不少網民一度懷疑短片中港女是愛港力成員陳淨心，但陳已鄭重向本報否認。