泳池外違泊嚴重招怨
灣仔愛群道摩理臣山游泳池對出設有三十個露天收費咪錶位，因求過於供而長期泊滿車輛。不過，街坊蔡先生卻發現有部分車輛經常逾時停泊，「次次都見到嗰幾架車泊喺度，超晒時都唔入錶，當正嗰度係免費停車場咁！」蔡不滿警方鮮有到場執法，有縱容違規情況之嫌。
警方發言人表示，灣仔警區經常派員巡邏上址，並票控違例停泊車輛，過去三個月，便在上址一帶向逾時停泊而未有付款的違例車輛發出逾一百張定額罰款告票。發言人強調，警方會繼續密切留意上述情況，及加強對違例車輛採取執法行動。
「抄極都仲有好多車唔入錶，抄嚟有乜用？」蔡先生質疑警方執法成效不彰，建議加重罰則及加強巡察，以收阻嚇之效。