繼審計報告披露廉政公署社區關係處巧立名目「一餐飯、分兩單」後，公署再被指「報細數」包庇前廉政專員湯顯明送禮費用，唔知廉署社區關係處「一姐」穆斐文會唔會好頭痕呢？咁就要問吓「一姐」老公、政制及內地事務局副局長劉江華喇。可惜劉江華尋日為「關注私隱運動」揭幕時，一聞「廉署」即耍手擰頭，明言只講私隱不談其他。劉江華面有難色，莫非私隱遭侵犯？於是我哋即刻幫佢搵同場嘅私隱專員蔣任宏求助，但蔣任宏話私隱署係保障個人資料嘅私隱，仲話自己無意見畀劉江華喎！
