政情：今日你上鏡：美詩好腳頭
前康泰旅行社一姐劉美詩（Susanna）年幾前過檔「專業旅運」擔任市場及業務發展總經理，最近又有新招吸客，就係專為客人推出度身訂造嘅個人遊套票。
Susanna加入新公司後，公司又攞獎又開分店，所以人人話佢好腳頭，最近又為公司注入新元素，開拓新市場。Susanna尋日出席公司旗下以女性為主導嘅附屬公司開幕禮，佢話以自己旅遊多年嘅經驗嚟睇，女性地位喺依家社會逐漸提升，唔只去旅行，更加捨得使錢，同男友或老公決定行程時，好多時都係最後拍板嗰個，所以佢同班同事就諗到喺新公司推出韓國化妝班、東南亞SPA主題嘅自由行套票，等女士們有個不一樣體驗喎。
（李苑葶攝）