同「貪曾」蛇鼠一窩嘅前廉政專員「貪湯」湯顯明被揭任職廉署時好似「土皇帝」咁，成日派職員走遍港九新界買外賣，足迹遍及全港各地。例如佢喺寫字樓心血來潮想食咖喱，就更加搵人遠征元朗，去佢指定嘅咖喱餐廳買咖喱食品，街邊美食全部都難逃其手指罅。貪湯嘅「貪食地圖」，其實就係一幅美食路線圖，佢咁為食，夠晒資格拍住金剛同小儀，做街坊廚神啦。不過佢同貪曾一樣過河都要濕腳，廉政專員就唔啱佢做喇，費事影衰晒啦。
