漁農界議員高佬何俊賢前排去咗流浮山探一班蠔民，仲拉埋兩位蠔民喺一堆蠔殼山前擺番個chok樣，勢保蠔殼山咁款。高佬賢話，佢後面一堆堆蠔殼除咗可以用嚟燒灰，經處理後仲可以用嚟做蠔苗，又或者放番落海，作淨化海水之用。唔講唔知，原來目前政府只得一個人推廣本地蠔業，相對養魚業就有廿人小隊做推廣，高佬賢話雖然香港養蠔業夠晒集中，全部喺晒后海灣，但大大話話都有八千個牌，當局人手分配好似有啲大細超喎！
