大廈天台僭建 甩皮甩骨
天台僭建物取締無期，屋宇署被斥助長歪風！居於炮台山的蘇小姐表示，多年前已發現英皇道與大強街交界有大廈頂層疑有違規搭建物，不滿當局一直視若無睹，猶如默許違規行為，「有啲鐵皮已經生晒銹，有啲就甩皮甩骨，好似隨時會畀大風吹落街咁，睇見都牙煙！」
「要收到投訴先做嘢」
屋宇署發言人證實，有關大廈天台存在若干搭建物，且未有根據《建築物條例》規定，事先獲該署批准及同意而搭建。由於僭建物屬優先取締類別，該署將根據相關條例，按序向業主發出清拆令，現已先發信敦促盡快自行安排清拆工程。
「咁多年都冇人理，好明顯屋宇署平日就冇人巡查，要收到投訴先做嘢！」蘇小姐要求當局糾正被動的處事手法，勤加巡察，並積極處理市民舉報。