中環出更：「抽水」有父風 貪曾幼子狼擒豹妹

個子不高、成個貪曾餅印樣嘅Thomas，當晚着西裝外套牛仔褲，單拖前往夜店獵艷。佢喺場內擺出一副左手插袋、右手拎飲料嘅「chok」樣，可惜冇美女識欣賞。

慘食檸檬嘅Thomas賴死唔走，繼續飲悶酒，一粒鐘後奇迹出現，身穿豹紋短裙嘅長髮索女向佢揮手，Thomas即時精神百倍，捉住對方香肩唔放，之後更攬實其纖腰並逐吋下滑至臀部。

邱詠筠尋日重申同曾慶淳仲係好朋友，但冇回應會否復合。	曾慶淳（左）尾隨到豹妹嘅跑馬地寓所樓下，並與豹妹喺街角垃圾堆旁拉扯，然後雙雙上樓。	豹妹箍頸胸壓，曾慶淳（右二）亦毫不客氣，伸手攬到實。

左擁右抱 臨走拍臀

此時一名穿着黑色連身裙嘅野性艷女亦趨前打招呼，Thomas即左抓「豹妹」右擒「黑珍珠」，意氣風發。佢跟隨強勁音樂大跳「騎呢」舞，企上梳化手指指兼扭籮，動作大至撞到旁邊酒客，旁人為之側目。三十四歲嘅佢熱舞唔夠五分鐘已經氣喘喘，只好回到夜店暗角回氣，續與豹妹面貼面纏綿，至凌晨三點離場，再上美人位於跑馬地嘅香閨短聚。臨走時Thomas更拍打對方臀部數下，一臉滿足。

有美相伴嘅曾慶淳風騷到極，豎起手指扭籮，其後更跳上梳化狂un。	放大圖片	尋日下午乘的士外出嘅Vivien聽到「曾慶淳」三字，甜笑回應對方係識咗好耐嘅好朋友，將來嘅嘢好難講。

想黐舊愛 飛撲握手

據悉，該名「豹妹」姓石名叫Vivien，家住跑馬地高尚住宅區。報道出街前，Vivien同Thomas均對記者提問全程封嘴，但尋日見報後Vivien甜笑話同Thomas係識咗好耐嘅好朋友，大讚對方好人，又搖頭否認自己有男友。問佢同Thomas係咪拍拖？佢繼續甜笑話，將來嘅嘢好難講喎。

記者問佢有冇見過其父貪曾？佢笑稱：「成日都見啦……喺電視。」咁真人呢？佢就話：「未呀，未到見家長。」

Thomas生擒「豹妹」後，本周二下午又出動搵舊愛、遠東集團創辦人邱德根孫女邱詠筠（Winnie）。當日Winnie舉家出席公司活動，唔少城中官商名流到場支持，只見Thomas官仔骨骨咁單拖現身，頻頻黐住官商名流。主人家Winnie全程忙於招呼賓客，最後終於得閒，Thomas即飛撲埋身主動握手，Winnie報以禮貌微笑並握手致謝，但刻意保持距離。

Winnie尋晚出席中環一個珠寶活動時，就重申同Thomas係好朋友，大家有保持聯絡，但問到二人有冇機會復合？佢冇回應就轉身離開喇。

卓妮