屋署懶巡查縱容業主僭建
居於土瓜灣北帝街的阿輝表示，上址有住戶在平台以紅磚及鐵皮搭建「小屋」，僭建物更設置窗框作通風透光之用。由於平台「小屋」對面即為另一幢大廈入口，阿輝擔心僭建物會危及居民安全，「呢一區之前發生過冧樓意外，咁大個僭建物起正喺大廈出入口對面，屋宇署咁都唔理，咁市民安全咪好冇保障！」
屋宇署發言人證實，涉事大廈平台有一個用磚搭建成的僭建物，屬優先取締類別，但無明顯危險，強調會按序向業主發出清拆令，並已發信敦促業主盡快自行安排清拆。
「咁明顯嘅僭建物，如果屋宇署有派人巡下都會發現，但就下下都要市民舉報先做嘢！」阿輝直斥屋宇署「唔踢唔郁」，要求當局加強檢控違例僭建的業主。