「貪曾」前特首曾蔭權爵士同前廉政專員湯顯明貪威識食嘅表現認真不相伯仲，前者遭本報去年二月獨家踢爆佢貪盡海陸空、歎盡省港澳，後者近日亦喺五年任內合共外訪三十四次，耗用公帑近四百萬元，而且尋日佢再被踢爆有鋪「送禮癮」，鍾意使公帑送禮予各地政府官員，被議員批評浪費公帑。湯顯明在任有正經事唔做，有貪曾唔查，反而做咗「外訪同送禮專員」，認真敗壞廉署多年嘅廉潔形象。
