無吸取上京開會經驗
故事緣於大輝喺三月出席北京兩會嘅奇遇，話說佢最新寄出嘅工作報告中，提到自己喺北京開會期間，有朝同一眾政協委員共進早餐後，喺準備上車離開酒店之際，竟發現自己唔見咗其中一部手機，於是便慌忙跑返餐廳，點知原來已有其他委員跟咗佢手尾，拾獲交還畀佢，令佢鬆一口氣。
不過，大輝承認失而復得嘅經歷冇畀到佢教訓，事關事隔幾日之後，佢又再次遺漏咗部手機喺會議室入面。
到佢發覺時本想入番去取回，但係就被記者包圍「扑咪」。好彩佢再次得到幸運之神嘅眷顧，有一名工作人員拾回電話交還，先唔使周圍搵機咋。唔知大輝經過呢兩次嘅經歷，以後仲會唔會咁大懵呢？