橋底擺垃圾 食署懶理
雜物堆滿天橋底，食環署竟視而不見！北角街坊陳先生日前行經渣華道，發現行車天橋底有多部手推車及大量紙皮等雜物，數日後仍原封不動，不滿囤積多時仍無人清理，「嗰度對住食環署個儲存倉門口，畀人堆到一車二車都唔理，搞到成個貨倉咁！」陳認為食環署責無旁貸，要求從速處理。
食物環境衞生署發言人證實，職員巡察上址時發現有手推車及雜物妨礙該署清掃工作，遂發出「移走障礙物通知書」，其後覆查時仍發現有關物品遂已檢走，潔淨服務承辦商亦已清洗上址。發言人強調，任何人或其物品如妨礙該署街道清掃工作，即屬犯罪，一經定罪最高罰款五千元，有關物品亦可被充公。
「嗰啲車仔同雜物擺咗喺度咁耐都冇人理，（食環署）要收到投訴先肯做嘢，完全係唔踢就唔郁！」陳先生直指事件反映當局未有積極為市民改善社區環境，有敷衍塞責之嫌，要求當局日後加緊巡察，防止情況故態復萌。