自從立法會搬去添馬艦後，新大樓被發現嘅甩漏次數真係十隻手指都數唔晒，會議廳招牌、玻璃、投票系統等，真係數得出嘅都曾經壞過。正當大家以為執漏工程已經執得八八九九時，記者室突然出現一條逾一米長、一毫米闊嘅大裂縫。其實記者室曾經飽受烏蠅困擾，但喺秘書處噴殺蟲劑「趕盡殺絕」後，所有昆蟲已經絕迹記者室。雖然今次條裂縫並無即時危險，但新大樓只不過入伙咗一年半，如果牆身咁快出現問題，成幢大樓會唔會好快就捱唔住o架？
（李惠攝）
