政情：公民講場：私人派對混亂 真普聯作繭自縛

真普選聯盟尋日舉行首場公開研討會，討論香港民主政制何去何從。不過多個支持政府人士混入研討會，喺台上講者講緊嘢嘅時候大聲叫囂阻撓佢哋發言，搞到主辦團體騰騰震之餘，最後仲要報警求助。召集人鄭宇碩狠斥示威者刻意以挑釁行動製造混亂，又估計類似行動會陸續有來，揚言泛民主派已經有心理準備對抗到底。不過，真普聯咩都未諗定就草率舉行研討會扮聽市民意見，但一有人指摘研討會係泛民主派私人派對時，佢哋就話對方存心搞事，仲要借機腰斬研討會。見到此情此景，真係唔話真普聯愈搞愈混亂都唔得啦！