北河街滴水 料非法駁渠
大廈滴水不斷從天而降，途人被迫「中頭獎」！深水埗北河街有唐樓連日來滴水不斷，行經途人紛紛「中招」，胡先生行經當日更因行人路上留有大片水漬而險告跣倒，「整污糟個頭事小，滴到連地下都生晒青苔，老人家行經容乜易跣親，點解咁耐都搞唔掂？」
食物環境衞生署發言人指出，接獲本報轉介後曾派員巡查，發現上址大廈石屎簷篷有滴水情況，懷疑大廈有單位非法接駁排水渠，已將個案轉介予相關政府部門跟進。
「我哋呢啲小市民唔知咩部門打咩部門，淨係想唔好再滴水，就係咁簡單，但係到依家都仲係日日滴！」胡先生要求食環署能將上址一帶受影響範圍暫時圍封，並加緊清理積水，以免途人滑倒，又要求各部門摒棄「事不關己」的官僚作風，協力跟進市民投訴，做到「急民之所急」。