尋日喺社交網站上瘋傳民建聯某個辦事處有金執，有小童將辦事處門口當作流動洗手間，有網友即時戲謔該名小童認真識揀地點。民建聯副秘書長陳學鋒接受查詢時證實，呢個辦事處位於西營盤第三街，本身係民建聯社區主任楊學明嘅辦事處，佢相信該名小童並非有意，估計當日係假期無職員返工，否則一定會畀該名小童借用辦事處洗手間。
佢又話，第時亦會叫職員主動了解吓徘徊辦事處附近嘅市民有乜需要喎。翻查資料，楊學明前年曾參加當區區議會選舉，僅以百多票之差輸咗畀民主黨黃堅成，依家突然有黃金降臨楊嘅辦事處，有人笑言楊一旦再次參選或會為他帶來好運。
（互聯網）