現屆政府上場九個多月，面對樓市不斷升溫，先後推出買家印花稅（BSD）同「港人港地」等措施，話係要優先照顧港人住屋需要。之後內地旅客嚟香港搶奶粉，食物及衞生局又推出俗稱「港人港奶」嘅限奶令，等本地媽媽買到奶粉。內地至今錄得超過十宗感染H7N9禽流感個案，搞到民眾人心惶惶之餘，內地藥房仲開始出現口罩搶購潮。如果疫情持續，內地口罩供不應求，內地旅客大軍壓境嚟到香港搶口罩，唔知局長高永文又使唔使考慮推行「港人港罩」，確保香港人可以買到口罩呢？
