民建聯今個月中改選領導層，其中副主席一職更會由目前四個增至五個，身兼新界社團聯會理事長同全國人大代表嘅陳勇有傳被睇高一線，成為有望晉身領導層嘅大熱。陳勇好謙虛咁多謝大家賞識，但就以球隊陣式比喻黨內分工，認為身處乜嘢崗位都有佢嘅價值，「好似踢前鋒可以入波，踢後衞又可以助攻咁」。
咁陳勇本人想踢前鋒定後衞？點知陳勇話踢咩位都啱，就算要佢喺場邊做執波仔都冇所謂，仲力撐做球隊後勤都好重要咁話。
方嘅都畀佢講到圓，唔怪得係副主席大熱喇。
