政情：八網難逃：李慧琼防「胖」於未然

復活節放假，立法會環境事務委員會議員早兩日組隊飛往韓國考察，留港嘅議員自然偷得浮生半日閒。好似民建聯議員李慧琼（Starry）除咗把握時間湊女之外，前日亦抽時間去見營養師，更喺社交網站分享每餐嘅標準菜肉比例，唔通忙到爆嘅Starry都登上「三高」嘅高危一族？非也，Starry解釋只係平日「十餐有九餐都喺出面食」，加上以多肉少菜嘅飲宴居多，擔心餐餐咁樣食法，長遠會引發中年肥胖或者「車胎」肚腩現形，所以先至見一見營養師，防患於未然喎。Starry更澄清多項身體指數都冇超標，身形仲係fit爆o架！