政府擬推新《公司條例》涉及限制董事查冊嘅附屬法例，早排喺傳媒同勞工界連番炮轟後終告「跪低」，決定暫緩執行有關安排，而且經已係上月廿八日嘅事。表明支持條文嘅私隱專員蔣任宏，唔知係咪掛住放復活節假，對政府嘅最新決定一直無反應，直至前晚先至突然發聲明，批評政府原地踏步係「不可接受」，又促請當局訂定立法時間表，驚死條文會無疾而終咁。關注有關嘅條文實施情況完全喺佢分內事，佢今次反應咁慢，究竟又可唔可以接受呢？
