寮屋被消失地署拒重建

「間屋有三個鐵閘鎖住，裏面有床有電器，一睇就知唔係荒廢。我問村民先知原來間屋係畀人用剷泥車剷平！」譚先生指位於東頭村的木屋早於八十年代興建，曾為一家七口居所，近年父母去世、子女婚後又相繼遷出，只剩兩老居住。譚指妻子於○七年因腰傷須定期到屯門醫院覆診，故兩老暫遷屯門，在兒子家中寄住，去年病情好轉擬遷回舊居，卻發現居所已變成一片爛地。

「正處理丁屋申請」

譚指東頭村位處「鄉村式發展」地帶，因所居木屋位處官地，因丁地不足無法建屋的發展商可申請興建丁屋。而譚向地政署申請重建寮屋時，地政署則以「正處理該地一宗丁屋申請」為由斷然拒絕。同樣居於村內寮屋的劉先生稱，近年家居曾遭人縱火及剪水錶滋擾，擔心會與譚同一命運，「我間寮屋仲喺度，但塊地已畀人申請緊起丁屋！」

寮屋被人拆毀後，只餘下數塊鐵皮及爛地一片。

有同村寮屋住戶指被人縱火及剪水錶滋擾。

警方發言人證實，曾接獲譚先生就其寮屋遭人清拆之舉報，已將案件列作「刑事毀壞」案處理，案件正在調查中，暫時未有人被捕。

地政署發言人則說，有關寮屋不涉及政府清拆或收地行動，苦主不會有任何安置。由於有關寮屋於○八至○九年間已不存在，加上寮屋唯一登記人已遷離多年，該署未能批准有關重建寮屋的申請。發言人又說，該署去年五月就涉事地點接獲一個小型屋宇申請，鑑於所涉位置為空置官地，申請現按一般程序以「先到先得」原則輪候處理中。

變相鼓勵非法拆屋

「當年登記寮屋嗰陣我仲讀緊中學，得我一個喺屋企，但阿爸阿媽一直都喺度住，依家間屋畀人拆咗都冇得追究，唔通個個住寮屋嘅都唔使返工，睇住間屋？」譚認為地政署倘批准他人於被拆原址興建丁屋，將變相鼓勵非法拆毀寮屋行為。

元朗區議員黃偉賢指，地政署過往一般會批准重建已損毀的寮屋，前提是單位物料及面積需與以往相同，認為該署是次拒絕苦主重建做法難以理解。黃又指新界寮屋被人非法霸佔甚至拆毀情況非首次，近年有愈趨嚴重之勢，批評地政署及警方未有保障市民財產，要求當局檢討。

記者：林松澧