港大法律系副教授戴耀廷前日出席一個電台節目，向多名九十後青年人推銷其「佔領中環」計劃，但遭多名青年圍插。戴耀廷終於坦言，當初撰文提出佔領行動只想「出口術」，如今引起廣泛回響係意想不到，事到如今已經係「勢成騎虎」，行動必須繼續。寫文章畀人騎劫，人人咁「抬舉」佢，都唔知佢係幸運定不幸，不過香港係自由社會，騎虎難下死頂落去，無咗決定集會定唔集會嘅自由同權利，似乎唔係幾符合香港嘅核心價值喎。
