貨車違泊嚴重堵塞通道
屯門居民陳先生經常駕車前往青湖坊購物，不滿上址公眾咪錶泊位長期遭貨車佔用，令其他使用者無法泊車，「呢度車位已經少，啲客貨車、大貨車仲要成日霸住嚟上落貨，幾乎每次都搵唔到位泊車！」陳要求當局正視問題，增加泊位紓緩需求。
「呢區發展得早，嗰陣交通安排冇咁仔細，所以呢帶泊車位一路都唔夠，附近又做緊屯門公路擴展工程，泊位更加少，違泊問題就更嚴重！」當區區議員林頌鎧希望屯門公路擴展工程能可早日完成，令附近空間早日解封，以紓緩違泊及道路阻塞問題。
警方發言人證實，青山警署由去年至今接獲廿七宗上址違例泊車或汽車阻塞投訴，並發出近一百張定額罰款告票。發言人稱，接獲本報轉介後加強巡邏及票控。