公屋滲漏愈補愈漏

「有乜理由搞咗成年都未整好？次次都係要追（問）佢哋先話我知整成點！」陳小姐早年透過「租者置其屋計劃」購入現居單位，並斥資裝修安樂窩，但噩夢卻自去年一月出現。陳指最先發現廚房天花「起泡」，未幾更有批盪剝落，懷疑源於上層單位滲漏，遂向房署投訴。房署亦派員到上層單位維修，並聲稱「整好啦」，然而，當陳小姐為滲漏位置再次裝修後，即發現天花又告「起泡」及有批盪剝落，受影響範圍更蔓延至廁所及客廳。「佢話整好我咪信佢囉，點知裝修完又跌灰，前前後後整咗幾次，結果都係漏！」

稱每次源頭不同

房署接獲本報查詢後，交由受委託的管理公司回應事件。有關管理公司發言人表示，去年接獲業主投訴後，曾安排房署維修承辦商到涉事上層單位進行三次重鋪地台工程，包括三月重鋪廁所地台、八月重鋪露台地台及十一月重鋪廚房地台。每次工程完成後，涉事單位的滲水情況均有改善，惟最後一次工程的效果仍需聯絡相關戶主檢查。發言人強調，滲漏問題涉及公共污水渠及上層租戶自行改裝工程，租戶亦曾多次維修，惟效果未如理想，並指每次滲漏源頭位置均不盡相同，難以一次性解決問題。

陳小姐指客廳天花的「水泡」近日面積愈來愈大（圈示），有惡化迹象。

剝落批盪的面積甚為誇張。

「應該徹底檢查而唔係頭痛醫頭、腳痛醫腳。同一個單位，廚房同廁所嘅樓齡應該一樣，既然廚房有滲漏，（屋內）其他地方都可能有！」驗樓師詹濟南認為當局應全面檢查包括外牆、窗邊及所有設有喉管的位置，以確定滲漏源頭。詹又指要根治滲漏問題，除地台外，牆身也應一併維修，否則大有機會在三至五年後再次發生滲漏問題。

被指治標不治本

黃大仙區區議員許錦成稱，房署身為涉事單位業主，有責任解決滲水問題，「就係因為佢檢查得唔全面，所以次次都治標唔治本，搞到整咗成年都仲未搞掂！」許直指事件反映房署處事敷衍，令滲漏問題解決無期，亦令住戶飽受滋擾，要求當局全面檢查，確認維修無誤才通知住戶，免令市民對部門信心盡失。

記者：詹海萍