肥佬黎創辦嘅台灣壹傳媒，賣盤計劃經過連月發展後，最終都係難產收場，主要買家旺旺中時集團總裁蔡衍明唔肯落疊，突然退出交易，除咗令肥佬黎放棄台灣業務套現嘅大計告吹外，更令壹傳媒隨時陷破產邊緣。今次賣盤難產，或多或少同肥佬黎管理公司不善有好大關係，台灣壹電視日日燒銀紙，試問一個爛到透兼生蟲嘅蘋果，仲衰過籮底橙，試問又邊會有人買吖，倒不如提早收檔好過啦！
