英國威廉王子（Prince William）同凱瑟琳王妃（Catherine Middleton）尋日秘密嚟咗香港？原來係佢哋嘅蠟像到臨香港杜莎夫人蠟像館至真，蠟像會展出至今年六月，以慶祝佢哋結婚兩周年紀念。今次兩人蠟像所着嘅衫正正係佢哋去年於倫敦出席一齣電影首映禮嘅晚裝，凱瑟琳王妃身穿黑色喱士曳地長裙，而威廉王子則着黑色燕尾禮服。不過，其實雕塑師今次做呢兩個蠟像時，並無同呢對皇室伉儷度身，只係透過大量照片同影片，用咗六個月時間去製造，唔知大家驟眼睇時會唔會當咗佢哋係真人呢？